Мақтаарал ауданының әкімі Бақыт Асанов Мырзакент кентінде орналасқан №890 референдум учаскесіне барып өз таңдауын жасады.
Аудан басшысы АЭС салу мәселесі еліміз үшін маңызды екенін, бұл мәселені барлық ел азаматтарының дауыс беру арқылы шешуі – үлкен тарихи сәт екенін жеткізді. Сондықтан, ауданның әрбір азаматын дұрыс таңдау жасауға, жалпы саяси науқанға белсене қатысуға шақырды.
Айта кетейік, аудан бойынша 62 референдум учаскесі, 1 аудандық аумақтық сайлау комиссиясы жұмыс істеуде. Оларда жалпы 401 сайлау комиссиясының мүшелері жұмыс атқаруда.
62 референдум учаскесінің 3-уі жабық. Жабық сайлау учаскелерінің 2-еуі Атакент, Мырзакент аудандық ауруханаларында, 1-еуі №2037 әскери бөлімінде орналасқан.
Ауданда 70 мыңға жуық референдумға қатысуға құқығы бар азаматтар тіркелген.
