Түркістан облысы санитариялық-эпидемиологиялық бақылау департаменті, Сіздерді келе жатқан Наурыз мерекесімен құттықтайды! Наурыз мейрамы кезінде дәстүрлі түрде үстелді алуан түрлі тағамдар ассортиментімен жабуға тырысады: көптеген ұлттық тағамдардан бастап салаттар және кремі бар кондитерлік бұйымдарға дейін толтырады, алайда, егер гигиена талаптары сақталмаса, онда мерекелік үстелде бас қосу тамақтан улануға алып келуі мүмкін. Сіздерге мереке қарсаңында тамақтан уланудың алдын алу үшін бір қатар кеңестерді ұсынамыз.
-Азық-түлік, оның ішінде тез бұзылатын аспаздық және кремдік кондитерлік өнімдер де сатып алынады. Сауда орындарынан, базарлардан, дүкендерден азық-түлік сатып аларда тағамдардың сапасы мен қауіпсіздігін растайтын құжаттарын талап ету қажет;
-Өнімдердің қаптамасында мемлекеттік немесе орыс тілінде қажетті ақпараты жоқ өнімдерді пайдаланбау;
-Белгіленбеген жерлерде сатылатын дайын тағамдарды пайдаланбау (әсіресе консервіленген және кремді-кондитерлік өнімдер);
-Мерекелік дастарханға әзірленген тағамдарды, әсіресе майонез қосылған салаттарды, аспаздық өнімдерді дайындағаннан кейін бірден қолдану қажет. Тіпті тоңазытқыштың өзінде бір тәуліктен артық сақтамаған жөн;
-Наурыз көже, еттен, сүттен жасалған тағамдар сияқты көптеген ұлттық тағамдар, салаттар, тіске басарлар, кремі бар кондитерлік өнімдер және т.б әртүрлі тағамдар дастарханға қойылады. Алайда, гигиена талаптары сақталмаса тамақтан улану жағдайына алып келуі мүмкін.
-Тағамдарды алдын ала дайындамауды, іс-шара басталғанға дейін үстелді жасамауды және оларды қажетті температуралық режимде ұстай отырып, сақтауды ұсынамыз. Дайын өнімдердің сақтау мерзімдерінің бұзылуына жол бермеңіз.
-Орталық алаңдарда, демалыс саябақтарда, көше бойларында кәуап, самса, бәліш, құймақ сататын орындар пайда болады. Осындай белгіленбеген, санитарлық талаптарға сай келмейтін орындардан сауда жасамағаныңыз жөн;
-Мереке күндері балалар мен жасөспірімдер бірінші кезекте жұмсақ балмұздақты тұтынатыны анық. Жұмсақ балмұздақты сату дүңгіршіктері гигиеналық тұрғыдан ұнамаса, ол жерден сатып алмаған дұрыс;
Сонымен қатар, Наурыз мейрамы күндерінде уланудың алдын алу мәселелеріне мейрамханалар, кафе және азық-түлік дүкендердің басшыларының көңіл бөлулерін сұраймыз. Персоналдар жеке гигиена ережелерін сақтауы және медициналық тексеріп-қараудан өткен қызметкерлер жұмысқа жіберілуі тиіс.
Түркістан облысының санитариялық-эпидемиологиялық бақылау департаменті басшысы Н.Нышанов
