Тамақтан улану- бұл әдетте ас қорыту бұзылыстарымен бірге жүретін ауру. Оның себебі әр түрлі микроорганизмдердің көбінесе бактериялардың ағзаға тағаммен бірге түсуінен болуы мүмкін.

Тамақтан уланудың белгілері:

— іш өтуі;

— құсу;

— жүрек айну;

— әлсіздік;

— іш ауруы.

Тамақтан уланудың алдын алу шаралары:

-азық түлік өнімдерін сатып алғанда шығарылған күніне және жарамдылық мерзіміне назар аударыңыз;

— тағамды тиісті жағдайда және дұрыс температурада сақтаңыз;

— термиялық өңдеуге жатпайтын көкөністерді, жемістерді, көк шөптерді ағынды су астында мұқият жуыңыз;

— үй жағдайында дайындалған консервіленген және кез келген басқа да тамақ өнімдерін стихиялық белгіленбеген сауда орындарынан сатып алмаңыз;

— тағамдарды дайындау кезінде жеке гигиена ережелерін сақтаңыз;

— ыдыс жууға арналған шүберекті және ас үй сүлгісін жиі ауыстырыңыз, ас үйдегі тазалықты қадағалаңыз.

Түркістан облысының санитариялық-эпидемиологиялық бақылау департаменті басшысының орынбасары А.Искаков