Сарыағаш ауданында Түркістан облысы санитариялық-эпидемиологиялық бақылау департаментінің басшысы Нұрбек Садықбекұлы Нышановтың төрағалығымен Сарыағаш аудандық СЭБ басқармасының 2024 жылы атқарған жұмыстарын қорытындылау және 2025 жылға қойған міндеттері туралы жиналыс өтті.
Жиын барысында халықтың санитариялық-эпидемиологиялық саламаттылығын жақсарту мақсатында жүргізілген іс-шаралар баяндалып, өзекті мәселелер талқыланып, 2025 жылға жоспарланған міндеттері талқыланды.
Жиын барысында ауыз су бойынша өзекті мәселелер туралы айтылып, келіп түскен арыз-шағымдардың заң аясында қаралуы тапсырылды. Сонымен қатар, менингит, ЖРВИ/тұмау, вирусты гепатит, аса қауіпті жұқпалы ауруларының алдын алу бойынша жұмыстардың жүргізілуін бақылап, қадағалауды, түсіндіру жұмыстарын күшейтуді тапсырды.
Департамент басшысы Нұрбек Садықбекұлы Сарыағаш аудандық СЭББ басшысының және қызметкерлерінің ұсыныстарын тыңдап, заң аясында сапалы жұмыс жүргізу туралы бірқатар тапсырмалар берді.
