Облыс әкімінің орынбасары Ермек Кенжеханұлы мен және «Қазсушар» РМК Түркістан филиалының директоры Қазыбек Бедебаев Мақтарал ауданына іс сапармен барды.
Сапар барысында ауданның «Ирригациялық және дренаждық жүйелерді жетілдіру (ПУИД-2)» жобасы бойынша жүріп жатқан жұмыстарды көрді.
Құрылыс жұмыстары барысында туындаған мәселелерді зерделеген жұмысшы топ мердігер мекемеге орын алған кемшіліктерді тездетіп түзетуді тапсырды.
Сонымен қатар, облыс әкімінің орынбасары Ермек Кенжеханұлы және филиал директоры Қазыбек Бедебаев Жамбыл ауылдық округінің шаруа қожалық егелерімен кездесіп, тамшылатып суғару технологияларын пайдаланып отырғызылған қырыққабат аумағын аралап көрді.
Қазіргі таңда, Мақтарал ауданында 200 гектар жерге қырыққабат егіліп, жаңару технологиясымен суару қолға алынған. Осылайша, суды үнемдей отырып, мол өнім алу жоспарда бар.
