Түркістан облысы, Мақтаарал ауданының білім бөліміне қарасты Ә.Бөкейхан атындағы №36 жалпы білім беретін мектептің базасында кітапханашылардың төл мерекесіне орай, «24 қазан Кітапханашылар күні» атты тақырыпта жоғарғы деңгейде аудан көлемінде мерекелік іс-шара өтті.
Іс-шара барысында Бердібек Соқпақбаев атамыздың 100 жылдығына орай, бүгінде рухани өміріміздің өзегі іспеттес ғылымды көпшілік оқырманға, ертеңгі ел тізгіні ұстар жас жеткіншек ұрпаққа насихаттауда, рухани мәдени байлығымызды ұрпақтан – ұрпаққа жеткізуші кітапхана болса, сол байлықты өз оқырманына таныстырып, табыстырушы өзіндік тұлға, ол – кітапханашы.
Іс – шараны аудандық білім бөлімінің әдіскері Кыдырбаева Тилла Кайырбекқызы ашып, мерекемен қатар келген Республика күнімен құттықтады.
Кітапхана адамға рухани азық беретін тұғыры биік бір әлем! Ал сол кітапханада жұмыс жасап бейнеттің зейнеттін көріп жүрген әріптестеріміздің барлығы да рухани байлығы мол жандар деп білемін! Ендеше, осы рухани әлемнің басы-қасында жүрген сіздердің де төл мерекелеріңіз құтты болсын! Асқақ армандарыңыз орындалып, абыройларыңыз арта берсін – дей келе, «№31 Береке жалпы білім беретін мектептің» кітапхана меңгерушісі Арапбаев Қанжарбек ағайдың орындауында М.Мақатаевтың «Поэзия сен менімен егізбе едің?» атты өлеңін оқыды.
Мерекелік кеште, мәнерлеп оқу, флешмоб, ән, би және сұрақ – жауап кезеңдері ұйымдастырылды.
Кітап. Кітапхана. Кітапханашы! Үш ақ ауыз сөз болғанмен мағынасы тым тереңде. Бір – бірінсіз толыққанды бола алмайтын рухани ошақ. Бір-бірін жалғастырып тұратын, оларсыз қоғамды елестету мүмкін емес киелі ұғымдар. Әр таңын білімнің қайнар көзі кітаппен ашатын, сол кітаптағы асыл мұраларды оқырмандарға жеткізетін алтын көпірді байланыстырушы – Кітапханашылар.
Іс шара соңында аудандық білім бөлімінің әдіскері Тилла Кайырбекқызы мектеп кітапханасында еңбек етіп жүрген кітапханашы әріптестерімізге кітапхана жұмысының сан қилы әдістерін меңгеріп, кәсіби шеберліктеріңді одан әрі шыңдап, білімді де білікті маман ретінде оқырман көңілінен шығып, олардың талаптарын қанағаттандыру бағытында еңбектеріне толағай табыс тіледі.
