Қазақстан Республикасының Мемлекеттік қызмет істері агенттігінің Түркістан облысы бойынша департаментінің бастамасымен, мемлекеттік көрсетілетін қызметтердің сапасы мен қолжетімділігін арттыру, мүмкіндігі шектеулі азаматтарға ыңғайлы орта қалыптастыру мақсатында қоғамдық бақылаулар жүргізу ұсынылған. Мақтаарал ауданы әкімі аппараты мен аудандық жұмыспен қамту және әлеуметтік бағдарламалар бөлімі қызметкерлері және қоғамдық ұйым өкілінің қатысуында Мақтаарал аудандық білім бөлімінің «№5 Мақтаарал мектеп гимназиясы» коммуналдық мемлекеттік мекемесі, «Мақтаарал аудандық балалар мен жасөспірімдер спорт мектебі» коммуналдық мемлекеттік мекемесі және «№14 колледж» мемлекеттік коммуналдық қазыналық кәсіпорны тарапынан көрсетілетін мемлекеттік қызметтердің сапасына кезекті қоғамдық бақылау жүргізілді. Қоғамдық бақылау барысында көрсетілетін мемлекеттік қызметтердің қолжетімділігі, ғимараттардың кіре берісіндегі және ішкі жағдайлары мен қызмет алу орындары мүмкіндігі шектеулі азаматтар үшін қолайлы болу жағдайларына мән берілді. Бақылау барысында, мемлекеттік қызмет көрсету жағдайымен танысып, қызмет алушылардың өтініштерін қабылдаудың сапалы ұйымдастырылуы, көрсетілетін қызметтердің қағида, стандарт мәтіндері мен өтініштерді толтыру үлгілерін ғимараттың көзшолымды орындарына орнату, өзіне-өзі қызмет көрсету бұрышының жай-күйі, мемлекеттік қызмет алу кезінде кезекті ұзақ күтуін барынша болдырмау және тағы басқа осы саладағы мәселелер қаралды.
Бақылау нәтижесімен анықталған кемшіліктер бойынша ұсынымдар енгізіліп, тез арада ретке келтіру ұсынылды.
Айта кету қажет, аудан әкімдігі тарапынан алдағы кезеңде халыққа мемлекеттік қызметтердің сапалы және уақытылы көрсетілуі бақылауда болады.
