Бүгінгі жұмыс сапарым барысында Абай елді мекенінде орналасқан Тістібай Исрайловтың мал бордақылау алаңында болып қайттым. Ауыл шаруашылығы – біздің округтің тірегі, ал мұндай бордақылау алаңдары – ел экономикасын алға сүйрейтін нақты өндіріс ошақтары.
Қожалық иесімен және осы жерде еңбек етіп жүрген жергілікті жұмысшылармен кездесіп, сайлауалды бағдарламамның ауыл шаруашылығын қолдау және дамыту бағытындағы нақты жоспарларымен бөлістім.
Бұл бордақылау алаңы – Абай елді мекеніндегі ілкімді істің айғағы. Мал бордақылап, ет өндіру арқылы жергілікті халықты жұмыспен қамтып, ауыл экономикасына үлес қосып отырған азаматтарға ризашылығымды білдіремін. Ең бастысы – осында еңбек етіп жүрген жұмысшылардың пікірі мен ұсыныстарына құлақ түріп, олардың көкейінде жүрген мәселелерді жазып алдым.
Кездесу барысында көтерілген негізгі мәселелер:
🔹 Ауыл шаруашылығына арналған субсидиялардың қолжетімділігі мен ашықтығы;
🔹 Мал азығын дайындаудағы қиындықтар мен шығындардың көптігі;
🔹 Ауыл еңбеккерлерінің әлеуметтік жағдайын жақсарту;
🔹 Кәсіпкерлерді қолдаудың нақты тетіктері – жеңілдетілген несие, кеңес беру орталықтары, мемлекеттік қолдау;
🔹 Ауылдағы мал дәрігерлік қызметтің жетіспеушілігі мен білікті мамандар тапшылығы.
Бұл мәселелердің барлығы – менің сайлауалды бағдарламамда ескерілген басым бағыттар. Себебі мен ауыл шаруашылығын дамытпай, ауылдың өркендеуі мүмкін емес деп есептеймін.
Менің мақсатым –
✅ Ауылдағы осындай шаруа қожалықтарын кеңінен қолдау;
✅ Мал шаруашылығымен айналысатын азаматтарға нақты көмек көрсету;
✅ Ауыл жастарына кәсіппен айналысуға мүмкіндік жасау;
✅ Ең бастысы – еңбек адамына құрмет көрсету, жағдайын жасау.

Тістібай ініміздің қожалығы – ауылда нақты жұмыс істеп, нақты өнім өндіріп отырған үлгілі шаруашылық. Осындай азаматтарды барынша қолдау – округтің әлеуметтік-экономикалық дамуының кепілі.
Қожалықтағы еңбеккерлерге алғысымды айтамын. Шілденің аптап ыстығына қарамай, малға қарап, қора-жайда тыным таппай еңбек етіп жүрген азаматтардың еңбегі – елеулі, құрметке лайық.
✅ Ауыл еңбегін бағалайтын,
✅ Кәсіпке қолдау көрсететін,
✅ Шаруа адамының жанайқайын еститін әкім болуға ниеттімін.
Сенімдеріңіз – мен үшін үлкен жауапкершілік.
Сол сенімді ақтауға дайынмын!

АбайЕлдіМекені

МалШаруашылығы

БордақылауАлаңы

АуылДамуы

ШаруаАдамы

СайлауалдыБағдарлама2025

ӘкімСайлауы

ЕңбекҚұрметкеЛайық

ЖерАнаБерекесі

Ізгі ниетпен,
СЫДЫҚОВ Бақытжан Байшықұлы
Жамбыл ауылдық округінің әкіміне кандидат