Мақтаарал ауданында 62 референдум учаскелері жұмыс істеуде. Оның ішінде 3 жабық референдум учаскесі бар. Соның бірі -«Атакент» аудандық ауруханасында орналасқан №435 жабық референдум учаскесі.
Ауруханада ем алып жатқан науқастар да бүгінгі саяси науқанға белсене қатысып, өз таңдауларын жасады. Олар еліміздің болашағы үшін АЭС салудың маңызды екенін жақсы түсінетіндерін жеткізді.
Айта кетейік, «Атакент» аудандық ауруханасынан бөлек, «Мырзакент» аудандық ауруханасында және 2037 әскери бөлімінде де жабық референдум учаскелері орналасқан.
