Мақтаарал ауданы аумағында ағымдағы жылдың 26-29 наурыз күндері аралығында «Борышкер» жедел профилактикалық іс-шарасы өткізілуде.

Іс-шараның негізгі мақсаты – аудан көлемінде анықталған әкімшілік құқық бұзушылықтар бойынша салынған әкімшілік айыппұлды ерікті түрде және мәжбүрлі түрде өндіру жұмысын жандандыру.

Шара барысында Мақтаарал ауданы полиция бөлімінің қызметкерлері жеке сот орындаушыларымен бірлескен жұмыстар атқарып, әкімшілік айыппұлды төлеуден жалтарып жүрген құқық бұзушыларды анықтап, олардан салынған әкімшілік айыппұлдарды толық өндіру жұмыстары жүргізілуде.