Жаз мезгілінде халықтың жаппай демалатын орындарына келушілер саны артады. Осыған байланысты демалыс орындарының санитариялық талаптарға сай болуы — халық денсаулығын қорғаудың маңызды бөлігі.

Халықтың жаппай демалу орындарына мыналар жатады:

• қалалық жағажайлар

• саябақтар

• демалыс базалары

• спорттық базалар

• ашық ауадағы демалыс аумақтары

Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-220/2020 бұйрығына сәйкес демалыс орындары (жағажайлар) эпидемиялық мәні жоғары объектілерге жатады.

Суға шомылу маусымы басталғанға дейін санитариялық-эпидемиологиялық қорытынды алынуы тиіс.

Жаппай демалу орындарына қойылатын талаптар Қазақстан Республикасы Денсаулық сақтау министрінің 2022 жылғы 26 шілдедегі № ҚР ДСМ-67 бұйрығымен бекітілген санитариялық қағидалармен регламенттеледі.

Орналастыру талаптары:

Демалыс орындары:

• порттардан

• шлюздерден

• су электр станцияларынан

• сарқынды суларды ағызатын жерлерден

• мал қоралары мен суаратын жерлерден

кемінде 500 метр қашықтықта орналастырылады.

Өнеркәсіптік кәсіпорындардың санитариялық-қорғаныш аймақтарынан тыс орналасуы қажет

Қоршаған ортаны ластау және шу көздеріне қатысты жел жағынан орналастырылады

Жағажайлар ауыз сумен жабдықтау көздерінің санитариялық қорғау аймағында орналастырылмайды

Тазалық талаптары:

• Жағажай аумағы қоқыстан тұрақты тазаланады

• Урналар жағажайларда әр 40 метр сайын орналастырылады

• Саябақтарда 800 м² алаңға кемінде 1 урна қойылады

• Қоқыс жәшіктері толуына қарай тазаланып, жуылып, күтіп ұсталады

Жағажай аумағында:

Күннен қорғайтын шатырлар

Шезлонгтар

Орындықтар

Жатақтар орналастырылады

Киініп-шешіну кабиналары

50 адамға 1 кабина есебімен орнатылады

Тазалау жұмыстары:

• Күнделікті жағажай жабылғаннан кейін тазалау жүргізіледі

• Дәретханалар мен жасыл аймақтар дезинфекцияланады

• Күні бойы ағымдық тазалау жүргізіледі

• Қалдықтар дер кезінде шығарылуы тиіс

Құмды жағажайларда:

• Аптасына 1 рет құм қопсытылады

• Қалдықтар жиналады

• Құм тегістеледі

• Құм немесе қиыршық тас жыл сайын себіледі

Жағажайларда:

• кір жууға

• жануарларды шомылдыруға

• рұқсат етілмеген жерлерде шомылуға

тыйым салынады

Қалдық контейнерлері демалушылар көп жиналатын орындардан 50 метрден жақын емес қашықтықта орналастырылады.

Шомылуға тыйым салынған жерлердегі арнайы белгілерге назар аударыңыз!

Жағажайлардың санитариялық жағдайы – әрқайсымызға байланысты.

Тазалықты сақтап, қауіпсіздік талаптарын бірге орындайық!

Түркістан облысының санитариялық-эпидемиологиялық бақылау департаменті басшысы Н.Нышанов