Сүт пен сүт өнімдері күнделікті ас мәзірінің маңызды бөлігі болғанымен, тез бұзылатын тағам түріне жатады. Оларды дұрыс сақтамау немесе тұтыну талаптарын сақтамау тағамдық улануға әкелуі мүмкін. Сүт — сальмонелла, ішек таяқшасы және листерия сияқты бактериялардың көбеюіне қолайлы орта.

Тағамдық уланудың негізгі себептері:

• жарамдылық мерзімі өткен өнімдерді тұтыну;

• термиялық өңдеуден өтпеген шикі сүт;

• тиісті температурада сақталмаған сүт өнімдері.

Сүт өнімдерін таңдауда назар аудару қажет:

• өнімдерді тек ресми сауда орындарынан сатып алу;

• пастерленген өнімдерге басымдық беру;

• қаптаманың бүтіндігіне, дайындалған күні мен жарамдылық мерзіміне мән беру;

• бақылаусыз, бейберекет сауда орындарындағы сүт пен сүзбені тұтынбау.

Сақтау талаптары:

• сүт өнімдерін +2…+6 °C температурада сақтау;

• бөлме температурасында ұзақ уақыт қалдырмау;

• қаптама ашылғаннан кейін ұсынылған мерзімде тұтыну;

• шикі ет пен балықтан бөлек сақтау;

• иісі, дәмі немесе құрылымы өзгерген өнімдерді қолданбау.

Шикі сүтті ішер алдында міндетті түрде қайнату қажет. Балаларға, жүкті әйелдерге және егде жастағы адамдарға тек пастерленген сүт өнімдерін тұтыну ұсынылады.

Жеке гигиена талаптары:

• тамақтанар алдында қолды жуу;

• таза ыдыс-аяқ пайдалану;

• тоңазытқыштың тазалығы мен температуралық режимін сақтау.

Тағамдық улану белгілері байқалса (жүрек айну, іштің ауыруы, іш өту, дене қызуының көтерілуі, әлсіздік), әсіресе балаларда, дереу медициналық көмекке жүгіну қажет.

Қорытынды:

Сүт өнімдерін дұрыс таңдау, сақтау және тұтыну — тағамдық уланудың алдын алудың тиімді жолы. Тағам қауіпсіздігіне жауапкершілікпен қарау бүкіл отбасының денсаулығын қорғауға мүмкіндік береді.

Түркістан облысының санитариялық-эпидемиологиялық

бақылау департаменті басшысы Н.Нышанов