2024 жылдың 30 қазан күні Мақтаарал ауданының орталығы Мырзакент кентінде «Сағындырған әндер-ай» атты облыстық вокалды инструменталды ансамбльдер байқауы өтті.
14 ауданның өнепаздары қатысқан байқауда аудан әкімінің орынбасары Алтын Ешанқұлова сайысты ашып беріп, басқа аудандардан келген қонақтарға алғысын білдірді. Сондай-ақ, байқауға қатысушыларға сәттілік тіледі.
Облыстық байқауды қорытындылай келе Түркістан қаласының «Тарлан» вокалды инструменталды ансамблі бас жүлдеге ие болды. Ал, бірінші орынды Қазығұрт ауданы, екінші орынды Түлкібас және Ордабасы аудандары, үшінші орынды Сарыағаш және Мақтаарал аудандарының вокалды инструменталды ансамбльдері жеңіп алды.
Айта кетейік, жеңімпаз атанған аудандар арнайы дипломмен және қаржылай сыйлықтамен марапатталды.
