25 қазан — Республика күніне орай Мақтаарал ауданының білім бөлімінің ұйымдастыруымен «Қыран елім — Қазақстан» тақырыбында мерекелік іс-шара өтті.
1993 жылдың 25 қазан күні ҚазССР-нің мемлекеттік Егемендігі туралы Декларация қабылданып, 2001 жылы Республика күні деп жалпақ жұртқа жария еткен болатын. 8 жыл өткен соң мемлекеттік мерекелер тізімінен алынып тасталып, арада 13 жыл өткен соң мемлекет басшысы Қасым Жомарт Кемелұлы Тоқаевтың бастамасымен бұл мереке ұлттық мереке ретінде қайта тойланып жатыр.
Мерекелік іс-шараны Мақтаарал ауданы әкімінің орынбасары Төребеков Бейсенбай Тасболатұлы және Мақтаарал ауданының білім бөлімінің басшысы м.у.а. Қайрат Арап ашып, барша білім саласының қызметкерлерін және қонақтарды құттықтап, аудан педагогтерін еліміздің білім саласының дамуына қосқан үлесі, жас ұрпақты оқыту және тәрбиелеу ісіндегі елеулі табыстары үшін, білім саласының ең үлкен марапаты “Ыбырай Алтынсарин’’ төсбелгісімен және жетекші мектеп үйлестірушілерін алғыс хатпен марапаттады.
Іс-шара барысында өнерлі оқушылардың концерттік бағдарламасын қалың көрермен тамашалап, қошеметтерін көрсетті.
