Сайлауалды бағдарламамды кеңінен түсіндіру және үгіт-насихат жұмыстарын жүргізу мақсатында Достық ауылдық округіне қарасты Хайдар ауылына арнайы барып, ауыл тұрғындарымен кездестім.
Бұл жүздесу — тек бағдарламамды таныстыру емес, сонымен қатар ел ішіндегі өзекті мәселелерді, тұрғындардың мұң-мұқтажын, ұсыныс-пікірлерін тыңдау үшін маңызды болды.
Хайдар ауылы — елдің тыныс-тіршілігін терең сезінуге мүмкіндік беретін шынайы орта. Мұндағы әрбір азаматтың ойы мен тілегі мен үшін аса маңызды.
🔹 Кездесу барысында сайлауалды бағдарламамдағы негізгі бағыттарға тоқталдым:
- Ауыл инфрақұрылымын дамыту;
- Жастарды қолдау және жұмыс орындарын ашу;
- Білім мен денсаулық сақтау саласын жетілдіру;
- Ауыл шаруашылығын қолдау мен инновация енгізу;
Тұрғындар тарапынан айтылған ұсыныстар мен көтерілген мәселелерді тізіп жазып, болашақ жоспарларымның негізіне айналдыруға ниеттімін. Өйткені, халықпен бірге жасалған шешім ғана шынайы әрі ұзақ мерзімді болмақ.
🔸 Хайдар ауылының тұрғындарына алғысымды білдіремін! Ашық диалог пен қолдауларыңыз мен үшін ерекше қуат берді. Бұл кездесу — біздің бірлігіміздің, сеніміміздің айғағы деп білемін.
💬 Келесі кездесулерім басқа ауылдарда жалғасын табады. Әр ауылдың үні мен тілегі менің бағдарламада көрініс табуына ықпал етеді.
Сайлау2025 #ХайдарАуылы #ХалықпенБірге #БолашақҮшін
Ізгі ниетпен,
АСАУОВ Данияр Жолдасұлы
Достық ауылдық округі әкіміне кандидат
