2021 жылы сіздердің сенімдеріңізбен Достық ауылдық округінің әкімі болып сайланған кезде, менің алға қойған басты міндеттерімнің бірі – ауылішілік жолдарды жөндеу болатын. Бұл – жай уәде емес, халықтың көптен күткен тілегі еді.
Бүгінде қуанышпен айта аламын – сол уәдемді толық дерлік орындадым!
Округігіміздегі ішкі жолдардың 95%-ы асфальтталып, халық игілігіне берілді. Күн жауса – шалшық жоқ, күн ысыса – шаң жоқ. Жазда да, қыста да тұрғындар үшін қатынас жеңілдеді.
Ауыл ішіндегі көшелер жаңарып, балабақша мен мектепке баратын жолдар тегістеліп, үлкендер мен кішілерге қолайлы жағдай жасалды. Бұл – сіздердің қолдауларыңызбен, бірлігімізбен атқарылған ортақ жұмыс.
✅ Ендігі мақсат – қалған 5% жолды жаңартып, Достық округіндегі жолдарды 100% асфальттау.
Егер 13-шілде күні өтетін сайлауда маған қайтадан сенім артсаңыздар – бұл міндетті де толық орындаймын деп уәде берем.
Мен бұған дейін де уәдемде тұрдым – бұдан кейін де солай болатынына сенімдімін. Сіздермен бірге бастаған жұмыстарымыздың жалғасын табуы үшін, 13-шілде күні өтетін сайлауда қолдау білдіріп, дауыстарыңызды берулеріңізді сұраймын.
БІРГЕ – БЕРЕКЕГЕ!
БІРЛІКПЕН – ӨРЛЕУГЕ!
Ізгі ниетпен,
АСАУОВ Данияр Жолдасұлы
Достық ауылдық округі әкіміне кандидат
