Бүгін Жамбыл ауылдық округіне қарасты Абай ауылында болдым. Бұл ауыл – еңбек пен берекенің ұйытқысы, маңдай термен күн көріп отырған ауыл тұрғындарының жай-күйі мені әрдайым толғандырады. Осы жолы қауын сұрыптау нүктесінде жұмыс істеп жатқан диқандармен, ауыл еңбеккерлерімен арнайы жүздестім.
Кездесу барысында сайлауалды бағдарламамның негізгі бағыттарын егжей-тегжейлі таныстырып, ауыл тұрғындарының талап-тілектерін тыңдадым. Олар негізінен:
- Егістік жерлерді тиімді пайдалану, суару жүйелерін жетілдіру;
- Ауыл жолдарының жағдайын жақсарту қажеттігін;
- Мамандар тапшылығы (агроном, мал дәрігері және т.б.) жайын;
- Жастарға қолдау көрсету, шағын кәсіп ашуға жағдай жасау қажеттігін алға тартты.
Бұл мәселелердің әрқайсысы менің сайлауалды бағдарламамда ескерілген. Ауылдың жайын ауыл тұрғыны жақсы біледі, сондықтан олардың әрбір ұсынысы – мен үшін құнды.
Менің мақсатым – ауыл тұрғындарының тұрмыс сапасын арттыру, ауыл шаруашылығын жүйелі дамыту және жастарға мүмкіндік беретін, аға буынға қамқор болатын нақты шешімдер ұсыну.
Бүгінгі жүздесу – жай ғана үгіт-насихат жұмысы емес, бұл – ауылдың тамырын басу, шынайы мұқтаждықтарды сезіну, тыңдау және бірге шешудің бастамасы.
Абай ауылының еңбеккерлеріне алғысым шексіз!
Сіздердің еңбекқорлықтарыңыз – ауылымыздың берекесі мен болашағы!
✅ Сенімдеріңізді ақтауға әзірмін.
✅ Бірге жұмыс істейміз!
✅ Ауылымыздың болашағын бірге құрамыз!
ЖамбылАуылдықОкругі
АбайАуылы
ӘкімСайлауы2025
АуылДамуы
БолашақБірге
Ізгі ниетпен,
СЫДЫҚОВ Бақытжан Байшықұлы
Жамбыл ауылдық округінің әкіміне кандидат